Mikopo ya Haraka Kwenye Simu na Mtandao Afrika Mashariki

Sawia na maeneo mengine ndani ya Afrika, jumuiya ya Afrika Mashariki imeshuhudia mapinduzi ya kifedha kupitia simu za mikononi. Ama kweli, kwa sasa akaunti za kifedha kupitia simu za mikononi katika eneo hili zimezidi zile (akaunti) za benki ya kawaida.

Mojawapo ya huduma maarufu ni mikopo kwa njia ya simu, mikopo mtandaoni au mkopo kwa njia ya SMS. Wenyeji wa Afrika Mashariki wanaweza kupata mikopo ya haraka bila dhamana au kuhitaji kujaza karatasi. Baadhi ya mifano katika makala hii ni miongoni mwa taasisi ambazo unaweza kupata mkopo wa haraka kwa njia ya simu au mtandaoni bila dhamana. Baada ya kusoma makala hii, utakuwa umefahamu namna kupata mikopo kupitia simu ya mkononi bila dhamana na haraka nchini Tanzania, Kenya, Uganda na Rwanda.

 

Kampuni Zinazotoa Mikopo ya Haraka Kupitia Simu na Mtandaoni

HaloYako (Tanzania)

HaloYako ni mkopo kupitia simu ya mkononi uliobuniwa na Benki ya FINCA Microfinance kwa kushirikiana na Halotel kwa ajili ya wateja wa simu za mkononi. HaloYako inawawezesha watumiaji kuhifadhi fedha zao kwa usalama na baadaye kupat wa mikopo midogo ya haraka kupitia simu za mkononi. Ada ya mikopo ya HaloYako ni asilimia 10. Ukiwa na sifa zinazotosha, ukiomba mkopo utaupata bada ya dakika chache tu.

Ili kupata mikopo ya haraka bila dhmana Tanzania, lazima uwe mteja wa Halotel uliyesajiliwa katika huduma za HaloPesa. Ukiwa ni mteja wa HaloPesa jisajili na HaloYako kwa kupiga 15088# na kuchagua 7.

Tigo Nivushe (Tanzania)

Tigo Nivushe ni mkopo wa haraka kwa simu kupitia kampuni ya Tigo, moja ya taasisi za mikopo Tanzania na kampuni ya simu za mkono. Kiasi cha mkopo unachoweza kupata kitategemea matumizi yako ya Tigo Pesa. Unaweza kupata mkopo kupitia Tigo Nivushe hadi shilingi 20,000. Ukilipa mkopo wako kama inavyotakiwa,kiasi unachoweza kukopa kitaongezeka. Malipo ya Tigo Nivushe ni siku 7, 14 au 21.

M-Pawa (Tanzania)

M-Pawa ni huduma ya kibenki ya Vodacom na CBA ambayo inakuwezesha kuhifadhi pesa kwenye simu, kupata riba kutokana na akiba na kupata mikopo ya haraka kwa M-Pesa Tanzania. Kiasi cha chini cha mkopo ni shilingi 1000. Sifa zinazohitajila ili kupata mkopo wa M-Pawa ni kuwa lazima uwe mteja wa Vodacom na umekamilisha usajili na pia uwe na akaunti ya M-Pesa inayofanya kazi.

Timiza (Tanzania)

Timiza ni huduma ya mkopo bila dhamana au akiba Tanzania toka kwa kampuni ya Airtel. Hii ni moja ya mikopo ya papo kwa hapo Tanzania yenye kiwango cha riba nafuu. Kiasi cha mkopo kinategemea matumizi yako ya pesa ya Airtel. Unaweza kukopa kiasi kikubwa kila wakati unapolipa mikopo yako kwa wakati.

Ili kuhitimu mkopo wa Timiza unahitaji kuwa mteja wa Airtel Money na uwe na vigezo vifuatavyo:

  • Uwe zaidi ya umri wa miaka 18
  • Umejisajili kama mteja wa Airtel kwa siku 90+
  • Uwe na akaunti hai ya Airtel Money
  • Usiwe na mkopo wa JUMO wakati wa maombi
  • Usiwe na tabia mbaya ya malipo na JUMO

Ukiwa na sifa hizo, kupata mkopo wa Timiza piga 15060# na uchague chaguo 4 kwenye menyu kuu ya Airtel Money. Utahitaji kuingiza PIN yako ya Airtel Money ili kukubali Sheria na Masharti ya Timiza. Baada ya hapo, nenda tu kwa chaguo 1 kwenye menyu kuu ya Huduma ya Mkopo wa Timiza na uchague Omba Mkopo.

Mikopo ya Tala Tanzania: Hakuna tena mkopo wa Tala Tanzania hivi sasa. Wateja ambao bado wanadaiwa wanaweza kulipa mikopo yao kwa kutumia Tigo-Pesa namba 888000 and nambari ya simu uliojisajilia na Tala kama akaunti yako.

M-Koba (Tanzania)

M-Koba ni huduma ya Vodacom kwa kushirikiana na TPB Bank ya kutunza fedha, kupeana mikopo na kugawana faida kwa vikundi kama familia na marafiki, VICOBA, VSLA, SACCOS, Upatu na vikundi mbalimbali vyenye Utamaduni wa kuchanga kwa lengo la kuweka akiba na kukopeshana pesa.

Akaunti ya M-Koba, inayoundwa kupitia USSD na kiongozi wa kikundi, inamruhusu kiongozi huyo kuongeza washiriki kwenye kikundi kwa kutumia nambari zao za rununu. Hakuna ada inayopatikana na mteja wakati wa kutuma pesa kutoka kwa mkoba wao wa M-Pesa kwa akaunti ya akiba ya kikundi cha M-Koba. Kwa kutumia simu ya mkono, kila mshiriki anaweza kuomba kutazama fedha za akiba ya kikundi au maafisa wa kikundi, ambao ni mwenyekiti, katibu na mweka hazina. Kila mshiriki anaweza kuomba mikopo moja kwa moja kwa kutumia USSD. Washiriki watatu wa kikundi watateuliwa na teknolojia ya M-Koba bila mpangilio maalum ili kuidhinisha mikopo kabla ya kutolewa.

Saida (Tanzania)

Saida ni moja ya kampuni zinazotoa mikopo kwa njia ya simu Tanzania. Ina zaidi ya asilimia 7 ya soko la kampuni zinazotoa mikopo. Tofauti na kampuni nyingine za mkopo kwa simu Tanzania, Saida inahitaji mtu awe amehifadhi kiasi kikubwa cha fedha kabla ya kuweza kupokea mkopo.

Pindi tu baada ya mkopo huu wa mtandaoni kuidhinishwa, utapokea fedha ndani ya saa moja. Vile vile, utapokea maelezo iwapo maombi ya mkopo wako yatakataliwa. Mojawapo ya hasara yake ni kwamba riba kwa mkopo hutofautiana kutoka mtu mmoja hadi mwingine kulingana na alama yako ya kimikopo. Viwango vya riba ni kati ya asilimia 7.5 na 10. Unaweza kupokea kati ya TZS 13,500 hadi Shilingi milioni 2.25. Kulingana na kiasi kilichotolewa, una muda wa siku 30 hadi 60 kulipa mkopo huo.

quick online loans in tanzania
Programu ya mkopo ya Saida.

Jinsi ya Kuomba Mkopo Kutoka Saida

  • Pakua program ya Saida kutoka Google Playstore
  • Tumia nambari yako ya simu kama njia ya mwaliko. Hatua hii inaweza kuchukua kati ya 3 na 7 siku kukamilika
  • Fungua akaunti ya Saida na ujibu maswali yaliyowasilishwa.
  • Saida itaangalia matumizi yako ya simu kwa ajili ya kumbukumbu ya huduma ya simu ya fedha, data, SMS na kupiga simu. Kulingana na taarifa hii, utafahamishwa kuhusu kiasi cha fedha ambacho unaweza kupata
  • Kiasi cha mkopo kilichoidhinishwa kitatumwa mara moja kwenye akaunti yako ya pesa ya simu. Vilevile utatumiwa maelezo ya kina kuhusu jinsi ya kulipia mkopo huu.

Branch (Tanzania/Kenya)

Branch ni moja ya app za mikopo Tanzania inayotoa mikopo ya haraka kwenye simu nchini Tanzania na pia Kenya. Programu ya Branch ya Android inapatikana kwa lugha ya Kiswahili na Kiingereza. Kutumia Branch kwa lugha ya Kiswahili, hakikisha kuwa una toleo la mwisho la programu yake kisha nenda kwenye “My Account”, halafu bonyeza “App Settings”, kisha nenda kwenye “Language”, na uchague “Kiswahili” na mwishowe bonyeza “Submit”.

Jinsi ya Kuomba Mkopo Branch

Kupata mkopo wa haraka kwa njia ya simu toka Branch ni rahisi. Unahitaji mambo yafuatayo ndipo upate mkopo online:

  • Pata programu ya Branch ya Android
  • Akaunti ya Facebook
  • Kitambulisho cha taifa, kadi ya mpiga kura au leseni ya udereva
  • Namba ya mkoba wa fedha wa simu (mobile money wallet)
  • Ruhusa kwa Branch ili waweze kuingia ndani ya simu yako ili kujua aina ya simu unayotumia, data na pia kusoma SMS zako. Hii inasaidia kampuni kujua kiasi cha mkopo unachoweza kupewa

Ukifuata hatua hizo basi utaweza pata mkopo kwa simu Tanzania. Branch ni kati ya kampuni zinazotoa mikopo ya haraka Tanzania kwani maombi yako yakifanikiwa, utapata mkopo kati ya masaa 3 hadi masaa 24. Hivyo ukitaka mikopo ya papo kwa papo, tunakushauri ujaribu kampuni ya Branch.

M-Shwari (Kenya)

Huu ni mkopo kwa simu ambao unatokana na ushirikiano kati ya Safaricom na Commercial Bank of Africa (CBA). Mbali na muundo wake wa amana, M-Shwari inatoa mikopo ya kati ya shilingi 100 na 50,000 kwa watumiaji wa M-Pesa. Kiwango cha juu cha mikopo kinategemea kiwango cha udeni wa mtu binafsi, na hutozwa riba ya asilimia 7.5. Ni moja ya mfumo maarufu wa mikopo ya mitandaoni nchini. Takriban asilimia 30 ya Wakenya ambao wanamiliki simu za mkononi wamewahi kukopa fedha kutoka mfumo huu na CBA imeidhinisha zaidi ya mikopo 50,000 kila siku.

 

Jinsi ya Kuomba Mkopo wa M-Shwari

  • Nenda kwenye menyu ya M-Pesa kwenye simu yako na uchague Mikopo na Akiba
  • Chagua M-Shwari na kisha Mikopo
  • Omba mkopo kwa kuingiza kiasi unachotaka kabla ya kuweka PIN yako ya M-Pesa
  • Fedha hizo zitatumwa moja kwa moja kwenye akaunti yako ya M-Pesa

Fuliza na M-Pesa: Fuliza ni mpango wa “overdraft” wa kampuni ya Safaricom. Ikiwa unafanya shughuli na M-Pesa lakini fedha kwa mkoba wako wa M-Pesa hazitoshi, unaweza kupata fedha kupitia Fuliza ili ukamilishe shughuli yako. Fedha utakazopata zitategmea kiwango unachostahili kutokana na matumizi yako ya M-Pesa. Kujiandikisha, piga simu *234# na uchague Fuliza. Unahitajiwa kuwa tayari ni mteja wa M-Pesa.

Tala (Kenya)

Mikopo ya mkononi ya Tala, ambayo awali ilikuwa inajulikana kama Mkopo Rahisi, ilianzishwa katika soko la Kenya mwaka wa 2014. Hutoa mkopo wa haraka kwenye simu kati ya dola 10 na dola 500. Hadi sasa, imetoa zaidi ya dola bilioni 1 kwa wateja wake ambao ni zaidi ya milioni waliomo nchini Kenya na masoko mengine yanayojitokeza kama vile Ufilipino, India, na Mexico. Wafanyakazi wake 500 ni uthibitisho wa ushirikishwaji wa programu hii kwenye orodha ya wakopeshaji mkopo kupitia simu, katika Afrika Mashariki.

mikopo ya haraka online
Programu ya mkopo ya Tala.

Jinsi ya Kupata Mkopo Kwa Njia ya Simu Tala

Hatua zifuatazo ndio jinsi ya kupata mkopo Tala:

  • Pakua programu ya Tala kutoka Google Play Store
  • Sajili akaunti. Kwa kufanya hivyo, utahitaji akaunti ya M-Pesa na pia nambari ya pasipoti au kitambulisho cha kitaifa.
  • Nenda kwenye “Apply Now” na ujibu maswali yaliyowasilishwa
  • Chagua kipindi cha malipo ambayo yanakufaa
  • Bonyeza “Send My Loan”. Fedha zitatumwa kwa akaunti yako ya M-Pesa papo hapo.

MoKash (Uganda)

MoKash ni huduma ambayo inawaruhusu wanachama wake kuhifadhi na kupata mkopo wa haraka bila dhamana. Tangu kuanzishwa kwa mpango huu mwaka wa 2016, wateja wake wamekuwa wakiongezeka kwa kasi. Kila mkopo unaoidhinishwa hutozwa ada ya mara moja tu ya asilimia 9. Ili uweze kufuzu kwa ajili ya mkopo kwenye mfumo huu, akaunti yako ya pesa ya MTN ya inastahili kuwa hai kwa angalau miezi 6 iliyopita. Zaidi ya hayo, unapaswa kuwa mtumiaji wa MoKash ikiwa ni pamoja na kuhifadhi kiasi kikubwa katika akaunti yako.

 

Jinsi ya Kuomba Mkopo Kwa Njia ya Simu ya Mkononi toka MoKash

  • Bonyeza 1655# kuanzisha MoKash
  • Nenda kwa ‘Savings and Loans’ na kisha uchague ‘Loans’
  • Nenda kwa ‘Request a Loan’
  • Weka kiasi cha fedha unachotaka kukopa
  • Weka nambari yao ya siri
  • Utapata ujumbe wa kuthibitisha kuwa maombi yako ya mikopo ya papo hapo yamefanikiwa na fedha zimetumwa kwa akaunti yako

BK Quick (Rwanda)

Huu ni mkopo wa haraka wa kwenye simu ulioanzishwa na Benki ya Kigali. Ilianzishwa kwa nia ya kutoa jukwaa rahisi kwa wateja wake kufikia baadhi ya huduma za benki hiyo. Mtu anaweza kupata mikopo ya pesa hadi RWF milioni 1 na kurejesha kwa muda wa miezi 1 hadi 12. Kila mkopo wa mkononi hutozwa riba ya asilimia 4. Mkopo uliotolewa hutumwa kwa akaunti ya BK ya mteja. Hakuna ada zinazotozwa kwa ajili ya uhamisho wa fedha kati ya BK Quick na akaunti za BK.

online mobile loans east africa
Mikop ya BK Quick nchini Rwanda.

Jinsi ya Kutuma Maombi ya Mkopo wa BK Quick

  • Sajili namba yako ya simu kwa huduma ya BK MobiServe
  • Piga *334*
  • Nenda kwa ’10 -BK Quick ‘
  • Fuata maagizo na ukubali sheria na masharti yaliyotolewa
  • Fedha zitatumwa mara moja kwenye akaunti yako ya BK

Hitimisho Kuhusu Mikopo ya Haraka Bila Dhamana Kwa Simu na Mtandaoni

Kampeni inayoendelezwa kwa ajili ya ujumuishaji wa kifedha katika Afrika Mashariki, pamoja na kuongezeka kwa simu za mkononi na kuimarishwa kwa mtandao, imeunda msingi imara kwa ajili ya ukuaji wa urahisi wa huduma za pesa mkononi. Mkopo wa haraka kwa njia ya simu na mkopo mtandaoni ni huduma ya kifedha ambayo unaweza kupata kupitia kampuni hizi. Kampuni hizi zinazotoa fedha kwa wateja papo hapo kwa kiwango cha chini cha riba.

Habari Zaidi