Kadri umaarufu wa Bitcoin unavyozidi kuongezeka, kuna njia kadhaa za kunufaika na Bitcoin barani Afrika. Nigeria, Kenya na Afrika Kusini zinapangwa miongoni mwa wamiliki kumi bora zaidi wa Bitcoin duniani kwa kipato cha mtu mmoja mmoja.

A Bitcoin ATM in Botswana is one of the 10 BATMs in Africa.

Mashine ya kutoa Bitcoin nchini Botswana ni moja ya mashine 10 za Bitcoin barani Afrika.

Uwekezaji Dhidi Ya Uuzaji na Ununuaji wa Bitcoin

  • Uwekezaji katika Bitcoin unamaanisha kununua Bitcoin na kuishikilia kwa kipindi kirefu.
  • Kuuza na kununua Bitcoin ni biashara ya kipindi kifupi. Unanunua na kuuza pale uonapo ni muafaka kupata faida.
  • Kuuza na kununua Bitcoin ni biashara ya 24/7, kwa maana ya kwamba waweza fanya biashara muda wowote katika siku.

Kwa kufuata njia tulizoorodhesha hapo chini pamoja na utafiti wa kutosha, utaweza kupata pesa kutokana na Bitcoin.

Jinsi Ya Kunufaika Na Bitcoin

1. Kuuza na Kununua Bitcoin

Waweza kupata pesa kwa kununua na kuuza Bitcoin. Ina maana kwamba utanunua kwa bei ya chini na kuuza wakati bei itakapopanda. Waweza kufanya hivyo kwa kupitia duka la kubadilisha Bitcoin au maeneo ya kufanya biashara baina ya mtu na mtu.

Bitcoin ni kitu tete sana. Kwahiyo unahitaji kuchunguza soko lake kwa uangalifu mkubwa. Kwa ujumla, biashara ya Bitcoin inahitaji muda na subira. Waweza kununua na kuuza Bitcoin katika nchi nyingi za Kiafrika kama vile Tanzania, Kenya, Ghana, Ethiopia, Afrika Kusinin.k.

how to make money in bitcoin

Chati kutoka coinbase.com ikionyesha jinsi Bitcoin ilivyo tete.

2. Kukubali Bitcoin Kama Njia Ya Malipo

Waweza kuuza bidhaa na huduma kwa kubadilisha na Bitcoin. Kuikubali Bitcoin kwaweza kuleta wateja wapya kwenye biashara yako. Kuna biashara na watu binafsi wengi wanaokubali Bitcoin kama njia ya malipo barani Afrika. Kwa mfano, Betty’s place, mgahawa unaomilikiwa na Betty Wambugu, ulioko Nyeri, mji wa pembezoni nchini Kenya. Anauza nyama ya kuchoma na anapokea Bitcoin.

3. Kufanya Kazi Ndogo Ndogo Za Kifedha

Hii ni kazi ya ndogo (micro job), mara nyingi hupatikana kupitia mtandao wa intaneti. Zipo tovuti nyingi ambazo zinalipa kwa Bitcoin kwa kazi rahisi kama kujibu barua pepe, kubonyeza kwenye tangazo, kukamilisha utafiti wa mtandaoni, kuangalia video, nk. Mitandao kama Earn, waweza kupata Bitcoin kwa kujibu barua pepe na kukamilisha kazi fulani. Hakikisha umefanya utafiti wa kutosha kujiridhisha kuwa eneo unalotaka kutumia ni halali.

Kujipatia fedha za kutosha kwa kufanya kazi ndogo ndogo ni vigumu, kunachosha na kunatumia muda mwingi.

4. Andika Kuhusu Bitcoin

Waweza kujitengenezea fedha kwa kuandika kuhusu Bitcoin. Bitcoin ni dhana mpya na ya kuvutia, ndio maana tovuti nyingi zinatafuta waandishi. Tovuti kama Blockchain Aliens hulipa waandishi waandikao makala zihusianazo na Bitcoin. Kwenye tovuti hiyo waweza kulipwa kwa kuwa bloga mwalikwa au mwandishi wa habari za Bitcoin analiyelipwa.

5. Kukopa Bitcoin

Kuna makampuni mengi ambayo yameingia kwenye soko la ukopeshaji Bitcoin. Kwenye tovuti kama CoinLoan, BlockFi na Unchained Capital waweza kopa na kuazima Bitcoin bila kupitia mlolongo mgumu wa benki na kwa kima kinachoridhisha.

make money bitcoin

Tovuti ya kukopesha na kukopa Bitcoin.

6. Washirika Wa Bitcoin

Soko shirikishi ni aina ya soko tendaji ambapo biashara inakuzawadia kwa kila mgeni au mteja anayeletwa na vyanzo vyako. Unapokuwa muuzaji shirikishi, unapata kiunganishi ambacho waweza kushea kwenye tovuti yako au kwenye mitandao ya kijamii. Waakati ununuzi unapofanyika kutokana na juhudi zako, unalipwa kwa kamisheni. Paxful, kwa mfano, humlipa kwa Bitcoin muuzaji shirikishi.

7. Nunua Na Miliki

Mara nyingi ‘nunua na miliki’ huonekana kama mkakati mzuri zaidi kwenye uwekezaji kwenye Bitcoin. Kwa hakika, ni njia mojawapo kuu ya uwekezaji uwezayo kuitumia kwenye soko la kifedha. Waweza kununua Bitcoin na kuzimiliki hadi pale panapokuwa ni sahihi kuuza. Bei ya Bitcoin inatarajiwa kuendelea kukua kutokana na sababu mbalimbali kama vile kima kikubwa cha kuasili, mahitaji mengi na usambazaji mdogo, nk. Thamani ya Bitcoin imepanda zaidi ya asilimia 2000 katika miaka mitano iliyopita, ikifanya vizuri zaidi ya hisa na dhahabu. Waweza kusoma uchambuzi wetu wa sababu kuu 7 za Kuwekeza Kwenye Bitcoin.

Wakati tukiamini kuwa Bitcoin ni mali nzuri sana, unapaswa kuonywa kuwa ni bidhaa tete sana. Hivyo tunashauri kuwa uwe na mtazamo mpana wa muda mrefu wakati unapojishughulisha nayo.

8. Vimotisha VidogoVidogo Vya Bitcoin

Kuna maeneo mitandaoni ambapo waweza kupewa Bitcoin kama sehemu ya kukumotisha kwa ulichokifanya mtandaoni. Yaweza kuwa ni kwa jambo ulilolianzisha mtandaoni au kwa kumsaidia mtu. Sehemu ambazo wanatoa motisha hizi ni pamoja na The Bitcoin Jar, Pro Tip, Coin Tip na Bitfortip.

9. Bilula Za Bitcoin (Bitcoin Faucets)

Bilula ya Bitcoin ni mfumo wa zawadi kwa njia ya tovuti au programu ambayo inasambaza zawadi ya satoshi, ambayo ni sehemu mamia ya mamilioni ya Bitcoin, kwa watembeleao tovuti ya bilula na kuweza kujibu swali maalum la kirakilishi au kazi kama ilivyobainishwa na tovuti. Matangazo ni chanzo kikuu cha mapato cha bilula hizi. Hii ina maana kwamba utalipwa kwa kuangalia matangazo au kujibu tafiti za mitandaoni.

Kwa ujumla, bilula za Bitcoin zinakuja na hatari na kazi zinazochosha. Baadhi ya bilula zinaiteka kompyuta yako na kuitumia kwenye kazi za ‘kuchimba’ Bitcoin. Kumbuka kutotumia pochi za bilula kuifadhi bitcoin zako.

10. Uchimbaji Wa Bitcoin

Wachimbaji wa Bitcoin wanalipwa kama tuzo kwa kuthibitisha miamala ya Bitcoin kwenye mtandao wa Blockchain. Tuzo kwa uchimbaji wa Bitcoin hugawanywa mara mbili kwa miaka minne. Wakati Bitcoin ilichimbwa kwa mara ya kwanza mwaka 2009, uchimbaji kwenye ‘block’ moja, ungeweza kukupatia Bitcom 50. Mwezi Novemba mwaka 2009 ungeweza kupata Bitcoin 12.5 kwa kumaliza block moja.

Tuzo ya Bitcoin mchimbaji apokeayo ni motisha ambayo huwafanya watu kushiriki kwenye lengo la awali la uchimbaji: kusaidia, kuhalalisha na kuratibu mtandao wa Bitcoin na Blockchain yake – Investopedia

Uchimbaji unahitaji kiasi kikubwa sana cha nguvu ya kitarakilishi na kutumia kiasi kikubwa cha nishati. Kumekuwa na madai kuwa uchimbaji wa Bitcoin kwa mfano unatumia umeme sawa na kama nchi ya Ireland. Taarifa iliyochapishwa mwezi Novemba, 2018 inaonesha kwamba Bitcoin ni gharama zaidi ya uchimbaji madini.

Hata hivyo kuna wachimbaji waafrika kama Eugene Mutai ambaye amekuwa akijishughulisha sana na uchimbaji wa fedha za kidijitali na amefanikiwa sana. Pia kuna BitHub Africa, kisukumio cha kibiashara cha Blockchain ambacho kinafanya kazi kwa kutumia umeme wa jua kuchimba fedha za kidijitali. Hii inaonesha kuwa kuna nia kubwa sana kwenye uchimbaji wa fedha za kidijitali na Bitcoin kwa ujumla barani Afrika.

Hitimisho

Ili kutumia njia mojawapo kati ya tulizozitaja hapo juu, unahitaji kutumia muda wa kutosha kutafiti tovuti unazotaka kutumia na kuelewa hatari zilizopo na jinsi ya kuzitatua.